Politikeri aallarnisaasunngortoq
Maanna ilinniagara suliarilerpara, Inatsisartunut ilaasortaasimasoq, aallarnisaasunngortoq, oqarpoq.
Annonse
Inatsisartunut ilaasortaasimasoq Malene Vahl Rasmussen (D) aallarnisaasunngorpoq.
Aviisi Sermitsiaq taama allappoq.
Suliffeqarfik Mumik aqqutigalugu tamanna pivoq, taassuma ingammik suliffeqarfiit minnerit nittarsaassinerat aaqqissortassavaa.
– Naak maanna aallarnisaasunngoraluarlunga, Inatsisartunut ilaasortanngunnginninni suliarisakka suliareqqissavakka – taannalu ilinniagaraara.
Inatsisartuni sulineq apriilimi naammassisoq sioqqullugu, Malene Vahl Rasmussen Qaqortumi 60 Northimi piginneqataavoq, taamaammat namminersortutut sulineq nutaajunngilaq. Nunani tamalaani niuerneq aamma niuernermi tuniniaaneq Nuummi Niuernermik Ilinniarfimmi ilinniagaraa.
Aviisimi Sermitsiami atuarnerusinnaavutit. Aviisi uani pissarsiariuk: