Politiit ilinniarnertuut
Politiitut ilinniartitaaneq nutaaq piareersarneqaleruttorpoq
Ilinniarnertuunngorniarfimmi ilinniagaqareersimanissaq piumasaqaatigineqalernissaa ilaatigut aamma eqqarsaatigineqarpoq
Kalaallit Nunaani siunissami politiinngortussanut ilinniagaqarnikkut piumasaqaatit sakkortusissapput.
Siunissamilu qinnuteqarumaartussat Nuummi Politiskolimi aallartissagunik ilinniarnertuujunissamik piumasaqarfigineqassagunarput.
Politimesterilu Bjørn Tegner Bay erseqqissumik nalunaaruteqarnissamut mianersorallarpoq, politiilli qullersaasa massakkut eqqarsaatersuutigisaasa ilaat saqqummiukkusuppai:
- Inuiaqatigiit siuariartornerat ilanngullugu eqqummaariffigisariaqarparput, tamannalu politiini sulisunut annertunerusunik piumasaqarfiuvoq. Siunissamilu politiinngorniarnermi ilinniarnertuujunissamik piumasaqarsinnaaneq maannangaaq pissanngitsoq oqaatigisinnaanngilara, Kalaallit Nunaanni politimester Bjørn Tegner Bay AG-mut oqarpoq.
Allaaserineqartoq aviisimi AG-mi sapaatip akunnerani matumani saqqummersumi atuarneqarsinnaavoq. Aviisi ataani aamma pisiarineqarsinnaavoq: