Skip to main content

Politiitut ilinniarfik nutaaq

Ilinniartoqatigiit tunngaviusumik ilinniakkamik nutaamik aallartipput

Nunatsinni politiitut ilinniartut nutaat pingasunngornermi septembarip 21-ani aallartipput. Ilinniartullu nutaat Nunatsinni Politiinngorniarfimmi tunngaviusumik ilinniarnermut nutaamut aallarteqqaartuussapput, taanna Danmarkimi politinngorniarnermut ukiuni marlunnik sivisussusilimmut assinguvoq.

Taamaattorli kalaallit ilinniarfiat maani politiit sulinerannut immikkuullarissunik naleqqussagaavoq.

Atuaruk: Politiitut ilinniartitaaneq nutaaq piareersarneqaleruttorpoq

Ajornakusoornerusoq
- Tunngaviusumik ilinniarfipput qallunaat politiinngorniarnerattut ippoq. Tamatuma malitsigissavaa, ilinniartutta nutaat ilinnialertussallu, suliassanut tunngatillugu pitsaanerusumik suliarinninnissaminnut ilinniagaqalissapput, tassa inuiaqatigiit allanngoriartornerat ilutigalugu, politiit suliassarisagaannut tulluartut, Nunatsinni Politiini pisortaq Lars Kirkegaard, tusagassiuutinut nalunaarummi oqarpoq.

- Taamaalilluta politiinngorniartuutigut kalaallini inuiaqatigiinni isumannaallisaanermik aamma toqqissisimanermik pitsaanerpaamik atugassaqartinnissaaat angusinnaavarput, taanna naqissusiivoq.

Ilanngussat
Nunatsinni politiinngorniarfik nutaaq, qallunaat ilinniarfianni ilaanngitsunik ilaqarpoq.

Tassa (SAR - Search and Rescue) kiisalu imminut toquttarneq, nakuuserneq aamma kanngutsaatsuliornerit pillugit suliaqarnermi immikkut ilinniarneq, taakku Kalaallit Nunaanni politiitut ulluinnarni sulinermi aqqusaagassaasarput.

Nunatsinni politiitut sulilertussat piareersarniarlugit taama iliorput. Aamma tunngaviusumik ilinniarnermi politiitut sulinermi nammineerluni pilersaarusiorsinnaaneq ilinniassavaat. Ilinniarnerup katitigaanerata avataatigut suliassamut ajornakusoortumukarluni qanoq ajunnginnerpaamik naammassinnissinnaaneq aamma ilinniarneqassasoq, Kalaallit Nunaanni politiit pisortaat Lars Kirkegaard oqaluttuarpoq.

Ukiut marluk
Politiinngorniartut tunngaviusumik ilinniarnertik ukiuni marlunnik sivisussuseqartoq naammassigunikku politiitut taasinnaanngussapput, kisianni pisinnaasatik ilinniaqqinnermikkut ineriartorteqqissavaat, tamatumalu politiini assigiinngitsuni sulisinnaanissamut periarfissaqalissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER