Politiit: Unnuaq ilungersunartunik pisoqanngilaq
Decembarip 26-at politiinut nalinginnaasumik ulapiffiusaraluartoq, unnuaq ajunngitsumik ingerlasimasoq, Kalaallit Nunaanni Politiit ilisimatitsipput.
Annonse
Sapaatinngorluni unnuaq ileqquusoq malillugu nunami sumiiffinni assigiinngitsuni nuannisartoqarluarlunilu imigassartorluartoqarsimavoq.
Politiillumi angerlarsimaffinni eqqissiviilliortunut aqqusinermilu eqqissiviilliortunut arlaleriarlutik ornigussimapput, Kalaallit Nunaanni Politiit pigaartuisa pisortaat Brian Thomsen Sermitsiaq.AG-mut ilisimatitsivoq.
Wujanartumilli ilungersunartunik suli pisoqarsimanngilaq.
-Naatsorsuutigisatsisut imigassartorsimanermut atatillug pisoqaalussimavoq, ilaatigut Nuummi imigassartorsimallutik biilertut sisamaasimapput, angerlarsimaffinni eqqissiviilliortoqarlunilu aqqusinermi eqqissiviilliortoqarsimavoq. Ajornerusunilli ilungersunarnerusunillu pisoqarsimanngilaq, Brian Thomsen oqarpoq.