Politiit: Unnuami ataatsimi nakuusernerit sakkortuut marluk
Ukiumi qaangiutilersumi tallimanngornermi kingullermi politiit ulapingaatsiarsimapput. Nakuusernermut ataatsimut takunnissimasunik politiit ujartuipput.
Arfininngornerup ullaassaani nakuusernerit marluk politiinit orninneqarsimasut, Nuummi politiit Sermitsiaq.AG-mut ilisimatitsipput.
Nakuuserneq ataaseq Hotel Hans Egedep silataani pivoq. Saassussineq arfininngornerup ullaassaani nalunaaqutaq sisamat qeqqata missaani pivoq.
Saassussisoqarnerata kingorna politiit ambulancellu ornigupput.
- Akuusimasut tigusarineqareerput, suleqatigullu arlallit suliartoqusariaqarsimavagut nakuusernerit pillugit paasiniaasinnaaniassagatta, politiit piareersimasuat Sermitsiaq.AG-mut oqarpoq.
Nuup qeqqani taxat uninngaviata Hotel Hans Egedellu akornanni saassussisoqarnerani takunnittut, saassussisoqalinnginneranilu pisunik ilisimannittut, Nuummi politiinut saaffiginneqquneqarput, uunga sianerlutik 701448.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...