Politiit: Tillinniartarnerit ikilerujussuarput

Angerlarsimaffinni tillinniarnerit ikiliartornerat politiinit nuannaarutigineqarpoq.

Tillinniarnerit 302-it politiinut 2018-mi nalunaarutigineqarput, 2017-imit 129-nit ikinnerullutik.

Sooq tillinniarnerit ikilisimanersut politiinit oqaaseqarfigineqarumanngilaq.

- 2016-mit 2018-mut tillinniarnerit affaannanngortinneqarsimanerat nuannaarutissaavoq. Tassami angerlarsimaffinni tillinniarnerit ilaqutariinnut toqqiissiviilliutaasarput, Bjørn Tegner Bay Sermitsiaq.AG-mut oqarpoq.

Ukiuni kingullerni tillinniarnerit ikiliartuinnavipput. 2016-mi 622-it suliarineqarput, 2017-mi 431 kiisalu 2018-mi 302-t.

Kisitsit 2018-moortoq allannguuteqalaarsinnaasoq politiinit ilisimatitsissutigineqarpoq, ukiumut nalunaarsukkat naammassisimannginneri tassunga peqqutaavoq.