Politiit: Qulliit tungujortut ikittaartorpassuit aamma nilliatitsissutit
Nuummi politiit ulluni makkunani ingerlatsinermut ilinnialeruttorput, tamannalu nilliatitsissutit aamma qulliit tungujortut ikittaartinneqarnerannik malitseqarpoq.
Politiit biilii arlallit tungujortunik ikittaartitsillutit siggartaatinillu kalerrisaaralutik sooq ingerlaarnersut innuttaasut arlallit ataasinngornermi toqqissisimanatillu alapernaapput.
Tamannalu nassuiaruminarpoq, toqqissisimannginnissamut imaluunniit ernumanissamut pissutissaqanngilaq.
- Naalagaaffiup politiivisa ingerlatsinermut ilinniartitsisui sisamanngorpat tungaanut politiit qulit ornigullutik ingerlanermut maanga sungiusariartorpaat, Nuummi politiit pigaartuisa pisortaat, Søren Bendtsen, Sermitsiaq.AG-mut taama ilisimatitsivoq.
Tekniskimi ingerlatsinermut ilinniarneq
- Politiit biilii amerlasuut tungujortunik ikittaartoqarlutik ataatsimoortut naammattooraanni, taava ilinniartoqarneranut tunnganissaa ilimagineqassaaq, ilaatigut tassani politiit ingerlatsinermut teknikkimik aamma piareersimanermut ilinniartinneqarput, Søren Bendtsen nassuiaavoq.
Ulluni tulliuttuni orniguttarnerit ”ilumoortut” akuusarnissaat itigartitsissutiginianngilaa, politiit suliassaat nalinginnaasut unitsinneqanngimmata.
Biilit sisamat atorneqartut
Søren Bendtsenip oqarnera naapertorlugu politiit biilii sisamat ingerlatsinermut ilinniartitsinermi atorneqarput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...