Politiit: Pigisasi qajannaarsorsigit
Sineriammi tamarmi silarlunnera pissutigalugu politiinit kaammattuutigineqarpoq, silami atortut tamarmik qajannaarsorneqassasut.
Annonse
Sineriammi sumiiffiit anmerlanersaanni ullut marluk tulliuttut sekundimut 30 meterinik sakkortutigisumik anorsarisssasoq nalunaarutigineqarsimavoq.
Kalaallit Nunaanni Politiit taamaammat innuttaasunut suliffeqarfinnullu kaammatuutigaat, pigisat silamiittut aalajangerlugit qajannaarsorneqassasut.
- Taamalilluta pigisat inunnut ajoqusiisinnaasumik teqqarsinnaanerat pinngitsoortissavarput, nalunaarummi allassimavoq.
Anorlingaatsiassasoq, DMI nittartakkamini allappoq:
- Kujasimmit kujasik-kangisimmiillu anori sakkortusiartorluni anorersuartut sakkortutigisumik anoraasuartarluni anorsarissaaq, unnummut unnuamullu najukkani ulussaarsuartut sakkortutigisumik anoraasuartarluni anorersuarsinnaavoq, DMI paasissutissiivoq.