Politiit: Peerstaat Isaksenip ujaarineqarnerani takunnittunik ujaasineq
Qatserisartut, Arktisk Kommando Politiillu suleqatigiillutik 35-inik ukiulimmut annertuumik Qaqortumi eqqaanilu ujaasipput. Arnaq tammaaneqartoq kingullermik ataasinngormat unnukkut novemberip 22-ani takuneqarsimasoq politiit maanna paasitinneqarsimalerput.
Peerstaat Isaksenip ujaarineqarnerani politiit misissuineranni takunnissimasunik maanna politiit noqqaassuteqalerput. Taakkummi arnap tammaaneqannginnerani sumiisimanersoq paaserusuppaat.
Oqartussat annertuumik ujaasinermik aallartereeraluartut arnaq tammaaneqartoq suli sumiisusersineqanngilaq. Ujaasinermi qatserisartut, Arktisk Kommando politiillu ikioqatigiipput.
- Politiit maanna arnaq tammannginnermini sumiisimanersoq paasinialeruttorpaat. Ulluni siuliini takunnissimasut politiinniit ujartorneqarput, takunnissimasut tusagaqarsimasulluunniit suliami pingaaruteqarsinnaammata, politiit tusagassiuutinut nalunaarummi taama allapput.
Paasissutissat nutaat
Kingullermik Peerstaat Isaksen ataasinngornermi unnukkut nalunaaqutaq 22.00 23.00-illu akornanni Bygning 7-imiit ingerlasoq takuneqarsimasoq, paasissutissat kingulliit ilaatigut takutippaat.
- Piffissami tassani Peerstaat Isaksenimut takunnissimasinnaasut Bygning 7-ip eqqaaniisimasinnaasunik takunnissimasunik ujaasivugut, politiit paasissutissiipput.
Innuttaasut arnap tallimanngornermi novembarip 19-aniit 2021-mi sumiisimanerani ilisimannissinnaasut politiinut attaviginneqquneqarput, Kalaallit Nunaatalu politiivinut uunga 701448-mut attaveqarsinnaapput.