Politiit: Nuummi ikuallaasoqarsimanera paasiniarneqarpoq

Kalaallit Nunaata Politiivisa Nuummi arfininngornermi ikuallatsitsisoqarsimaneranik paasiniaapput. Politiit ilisimatitsipput ilimanaateqarluartoq ikuallaasoq ukiukitsuusoq.

Kalaallit Nunaata Politiivisa Nuummi ikuallatsitsisoqarsimanea paasiniaaffigaat.

Politiini pigaartut aqutsisuat, Malik Sandgreen taama ilisimatitsivoq.

Nuummi Politiit Nuussuarmi pisiniarfeeqqap Minimarkedip eqqaani eqqaaveqarfimmi ikuallattoqarneranik arfininngornermi nalunaaqutaq 18.44 nalunaarfigineqarput.

Politiit tikiuttut takusinnaavaat eqqaaveqarfimmi pujortoqartoq. Qatserisartut aamma kalerrinneqarsimasut tikiukkamik pilertortumik qamiteripput.

- Takunnittoq oqaluttuarpoq meeraq ukiukitsoq ikuallattumik aallartitsisoorpasittoq. Soorunami taakku apersorneqassapput qanoq pisoqarsimaneranik. Pisumi taakkuupput oqaatigisinnaasakka, Malik Sandgreen oqaluttuarpoq.

Taanna oqaluttuarpoq allanik ikuallaasoqarsimanngitsoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS