Politiit: Kapisilinni eqqartoqarneranik nalunaarutiginnittoqartoq
Kapisilinni angut umiatsiaminiit qoorortooq atorlugu imaanut eqqarsimavoq. Politiit ilisimatitsipput pisumi pinerluttoqarsimanngitsoq.
Nuup nunaqarfiani Kapisilinni angut umiatsiamiit qoorortuumik aallaaseruluni eqqartoq, politiit tallimanngornermi unnukkut nalunaarfigineqarput.
Kalaallit Nunaanni Politiit taama uppernarsaapput.
- Uppernarsarsinnaavarput Kapisilinni tallimanngornermi juunip 14-ani unnukkut pisoqarmat, angut umiatsiaminiitsilluni qoorortooq atorlugu imaanut eqqarsimavoq, Kalaallit Nunaanni Politiit Sermitsiaq.AG-mut ilisimatitsivoq.
Pinerluttoqarsimanngitsoq
Nalunaaruteqartoqareerneranit politiit sumiiffimmut alakkaatitsipput.
- Angut inunnut eqqarnissaminik siorasaarisimanngilaq aammalu inuit tungaannut eqqarsimanani, angulli kissaammersimaarmat poligiit sumiiffimmut ornigutsinneqarput. Killisiuinermi paasinarsivoq pisumi pinerluttoqarsimanngitsoq, taamaammat pisumi politiit iliuuseqaqqissanngillat, Kalaallit Nunaanni Politiini attaveqaqatigiinnermik suliaqartoq, Camilla Palmann ilisimatitsivoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...