Politiit: Inuk ujaarineqartoq nassaarineqarpoq
Erneeraq Zeeb, Kalaallit Nunaanni Politiinit ujaarineqartoq nassaarineqarpoq.
Kalaallit Nunaanni Politiit paasissutissaataannik ilallugu allaaserisaq nalunaaqutaq 16:00 nutarterneqarpoq.
Kalaallit Nunaanni Politiit nalunaarummi naatsumi tamanna ilisimatitsissutigaat.
Erneeraq Zeeb, kingullermik pingasunngornermi juulip qulinganni nalubnaaqutaq 12:30 Kangerlussuarmi pisuttuartoq takuneqarpoq.
-Angut nunakkut ippassaq pisuttuarsimavoq, qasulileramili nunaannarmi sinissimalluni. Pisuttuareerluni ullumi nammineerluni angerlarpoq, Kalaallit Nunaanni Politiit ilisimatitsipput.
Politiit innersuussuteqarput
- Kalaallit Nunaanni Politiit innuttaasut nunami kisimiillutik pisuttuarusuttut innersuussuteqarfigiumavaat ilaquttaminnut ikinngutiminnulluunniit oqartassasut sumukarnerlutik, qaqugu uternissartik naatsorsuutiginerlugu kiisalu kingusinaassagunik nalunaartaqullugit, Kalaallit Nunaanni Politiit taama innersuussuteqarput.