Politiit: Gaffeltruckit Qaqortumi aallarunneqartut

Qaqortumi politiit pingasunngornermi ualisoq uissuumminartumik suliakkerneqarput. Gaffeltruckit aallarunneqarsimasut illoqarfiup qeqqani angallanneqartut akunneq ataaseq unitsinniarsaraat.

Gaffeltruckeeqqat Qaqortup talittarfianiit aallarunneqarput. Aallarussisoq illoqarfimmi truckinik angalaarpoq.

Kalaallit Nunaata Politiivi pingasunngornermi ualikkut nalunaaqutaq 14.00 missaani taama nalunaarfigineqarput.

- Gaffaltruckit aallarunneqarsimasut nalunaarfigineqarpugut, Malik Olesen Kalaallit Nunaata Politiivini pigaartuni pisortaq oqaluttuarpoq.

Qaqortumi politiit suliakkerneqarput aallarussisumik unitsitsisussanngorlugit. Akunnerup missaa aallarussisoq politiinit malersorneqareersorlu unitsinneqarpoq.

- Malersuinerup ilaani politiit biilii assiiniartillutik gaffeltruckinit aputallanneqarput, tassa aserortoqalaarpoq. Pisumili inunnik ajoqusertoqanngilaq, Malik Olesen oqaluttuarpoq.

Pigaartut ilisimatitsipput nalunarallartoq aallarussisoq qanoq pineqarumaarnersoq. Aamma maannakkut oqaatigineqarsinnaanngilaq aallarussisoq imigassartorsimanersoq.

Powered by Labrador CMS