Skip to main content

Politiit: Erngunnerit ajoraluartumik ingasaanneqartarput

Naalakkersuisoq Karl Frederik Danielsen ullumi ataasinngornermi tusagassiortunik katersortitsigami ilisimatitsisivoq, misissukkanit 23-usunit ullumi akssutisiarineqartunit tunillatsissimasoqanngitsoq

Tusagassiortunik katersortitsineq allatut ingerlanneqarpoq, politimesteri nunatsinnilu nakorsaaneq skypekkut peqataapput, taamaalilluni tusagassiortunik attaveqartoqanngilaq, taamalu tunillaassuisoqarani.

Karl Frederik Danielsen killiffik pillugu ilisimatitsinermi kisimiippoq.

Atortorissaarut iluatsitsiffiuvallaanngitsoq

Ilisimatitsissuteqareerami qanoq inissisimasoqarnera pillugu oqaaseqarnissaq nunatsinni nakorsaanermut tunniuppaa, nunatsinnulli nakorsaanermut skypekkut attaveqarniarneq aallaqqaammut iluatsinngitsoorpoq.

- Nutaarsiassatsialaqarpoq. Maani Nuummi sineriammiluunniit allanik tunillatsittoqarsimanngilaq. Tunillatsissimasut siulliit marluk maanna peqqissereerput, sivisuumillu ajorsimanngimmat ajoquteqanngitsutut maanna nalunaarutigineqarlutik, Nunatsinni Nakorsaaneq oqaluttuarpoq.

- Naatsorsuutigisariaqarparput ulluni aggersuni nutaanik takkuttoqassasoq. Iliuuseqarfiginissaannulli amerlanerunissaat naatsorsuutiginngilarput. Taamaammat tuniluuttoqannginnissaanut iliuusissiavut tamaviaarluta ingerlatissavavut.

- Nunamit tamarmit maannamut inuit 203-t misissugassanik tigusiffigisimavanut, ikittuinnaallu misissuiffigineqarnissaat suli amigaatigalugit, sineriammit misissugassatut tiguneqarsimasut laboratooriamut anngunniarlugit ulluni aggersuni tamaviaarluta sulissaagut, taanna oqarpoq.

- Illersuutissanik amigaateqanngilagut, sulilu Københavnimi pisariaqartinneqartumik misissuititsisassalluta. 

- Ajunngitsup tungaanut ingerlavugut, malittarisassatullu saqqummiussavut kikkunnit tamanit malinneqarpata tamatumannga aniguissaqqaarluta upperilluinnarpara, Henrik L. Hansen oqarpoq.

Politimesteri

Politimesteri Bjørn Tegner Bay:

- Sapaatip akunnerata naanera eqqissisimakannersumik ingerlasimavoq. Nuummi innuttaasunit peqqussutivut tapersersorneqarluarput. Ataasiinnaq oqaatigerusutara tassaavoq, silamiikkaanni inuit qassit silagissiorluni nikorfaqatiginerlugit kisinneqartarnissaat, taanna oqarpoq.

- Inuit qulit sinnerlugit katersuussimasut misigisarpavut. Inuit qulit sinnerlugit ernunnerminni ingasaassillutik pissusilersortut nalunaarutigineqaraangata ornittariaqartarpavut. Ataatsimoorlutik nuannataalaarniartut eqqarsaatigisariaqarpaat, nuannataarnertik qanoq kinguneqarsinnaasoq. Imminnut eqqarsaatigalutik, minnerunngitsumillu politiit ambulancenillu ingerlatsisartut ajortoqaraangat ikiuuttartut eqqarsaatigalugit, politimesteri oqarpoq.

-Inuit qulinik amerlanerusut katersuutinnginnissaat, imminnullu qanillivallaannginnissaat innuttaasutut qulakkeerneqarsinnaavoq, Bjørn Tegner Bay oqarpoq.

Pisoq malinnaaffigineqartuarpoq...

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER