Politiit: Anorersualinnginnerani atortut isumannaarsorneqassapput

Nuummi Paamiunilu marlunngornerup ullaani anorersualissaaq, anori sekundimut 43 meterinik sukkassuseqartarsinnaalluni.

Taamaattumik atortut isumannaarsorneqarluassasut politiit Facebookimi quppernermini allappoq.

- Taamaalilluta pigisanik silaannakkut teqqaasoqarnissaa pinngitsoortissangatsigu, inunnut ulorianartorsiortitsisinnaammata, politiit allapput.

DMI-mi silassamut missingersuuttip takutippaa, anori Nuummi marlunngorpat ullaakkut 22 m/s-imik sakkortussuseqarluni aallartissasoq, ualineranilu sakkortusisartorluni 33 m/s-imik sakkortussuseqalissasoq .

Anoraasuaraangat 43 m/s-imik sakkortussuseqartassaaq.