Politiit: Aningaasarsisoqarnera akunnerup naanerani malunnarpoq
Aningaasarsisoqarnera pissutaalluni Nunatsinni politiit nalinginnaasumit akunnerup naanerani suliaqarnerupput
Annonse
- Inuit akissarsisimanerat pissutaalluni akunnerup naanerani suliarpassuaqarpugut.
Nuummi politiinit Aqqaluk Petersen Sermitsiaq.AG-mut oqarpoq. Kalaallit Nunaanni politiit akunnerup naanerani nalinginnaasumit ulapinnerusimasut oqaatigaa.
Kalaallit Nunaat tamaat isigalugu politiit tallimanngormat nalunaaqutaq 16.00-imit sapaammi ullaakkut suliarisimasaat ukuupput:
- Angerlarsimaffinni eqqissisaanerit: 48
- Imigassartutorpallaarsimasut: 12
- Aqqusinerni eqqissiviilliornerit: 5
- Imminut toqunnissamut siorasaarisut: 18
- Nakuusernerit: 8
Politiit pinartumik suliaqarsimanngitsut Aqqaluk Petersenip oqaatigaa.
- Kisianni tassa oqareernittut nalinginnaasumit ulapinneruvugut, aamma nakuusertoqarsimaneranik nalunaarutiginninnerit amerlanerusut pissarsiarissagigut naatsorsuutigineqarsinnaavoq, tamanna politeeqarfiit ammakaappata pissasoq ilimanarpoq, oqarpoq.