Politiit: Angut savilersortoq eqqartuussisumut sassartinneqarpoq

Angut sioorasaarisimasutut aamma politiinut sioorasaarinermini oqartussanut eqqunngitsuliortututunnerluutigineqartoq, politiit unnerluussisussaatitaanerat, Tobias Berg, ilisimatitsivoq – taakku pingasut tamarmik oktobari/novembarimi 2017-imi tamarmik pipput.

Toqutseriarnermi pinngitsuunerartoq

- Taanna aamma septembarip 25-anni 2018-mi toqutseriartutut unnerluutigineqarpoq, ullormilu aamma tassani politiinut marlunnut savilersorniarnermini oqartussanut eqqunngitsuliortutut unnerluunneqarluni. Toqutseriarsimanermi pinngitsuunerarpoq, kisianni pisut sinnerini nassuerpoq, Tobias Berg tusagassiuutinut nalunaarummi allappoq.

Akunnerni sisamani eqqartuussivimmi sassartinneqareerluni oktobarip 23-ata tungaanut tigummigallagassanngortinneqarpoq, tamannalu akueraa.

- Eqqartuussiviup unnerluussutini tallimani tunngavilimmik pisuussuteqartoq aalajangiivoq, iperagaassagaluarunilu inunnut ulorianaatilimmik pinerluuteqaqqinnissaanut ernumassutissaqarnerarpaa. Angutip savilerluni septembarip 25-anni Maniitsumi inuit arlallit sioorasaarsimallugit ilaatigut nassuiaatigaa, tamatumunnga ilanngullugu politiit marluk takkuttut unnerluussisussaatigaasoq ilisimatitsivoq.

Peperspray unitsitsinngitsoq

- Taanna piffissap ilaani politiinit aallaaneqarnissaminik kissaateqarpoq. Politiillu pepersprayimik atuillutik arlaleriarlutik unitsitseriarsimasut nassuiaavoq, tamannalu iluatsinngilaq, naggataatigut politiit kalerrisaaralutik igereeramik taliatigut aallaammassuk aatsaat unilluni tunniutiinnarpoq, Tobias Berg oqarpoq.