Skip to main content

Politiit: Angerlarsimaffinni eqqissiviilliorneqanngingajappoq

Politiit pissutsini nalinginnaasuni tallimanngornikkut imigassartortoqarsimatillugu angerlarsimaffinni eqqissiviilliornernut ornigunnerit ulapputigisarpaat. Nuummili imigassaq matuneqarmalli tamakkua ikileriangaatsiarsimapput

Imigassaq matuneqanngikkallarmat angerlarsimaffinni eqqissiviilliornerit aqqusinermilu perulluliornerit politiit suliaannut ilaalluinnartarsimapput, Nuummili imigassap matuneqarnerata kingorna politiit orniguttariaqalertarnerat qaqutigoornerulersimavoq.

- Tamanna nuannaajallannartorujussuuvoq. Angerlarsimaffinnimi eqqissiviilliortoqartillugu eqqissisaajartorluta orniguttariaqalertarnerput nukinnik atuiffigingaatsiartarparput, meerartaqarsinnaasarpummi, pigaartut pisortaat Julie Senderowitz Sermitsiaq.AG-mut oqarpoq.

Imigassamut attuumassutilimmik nalunaarutiginninnerit ikinnerulersimagaluartut illoqarfiit pingaarnersaanni politiit uninngaannanngillat.

Aqqusinikkut angallannermi suliarpassuit

- Aqqusinikkut angallannermi suliassanik naammattumik pingaartitsinnginnerput akuttunngitsumik tusartarparput. Kisianni ullup unnuallu kingulliup ingerlanerani suliassat aqqusinikkut angallannermi inatsisinik unioqqutitsinermut tunngasut arfineq-pingasut qulillu akornanniittut maluginiarsimavavut, pigaartut pisortaat paasissutissiivoq.

Nalinginnaasumik isumannaallisaanermi qitequtinik inersimasuni meeqqanilu atuinngitsoornerit, biilinik pissusissamisuunngitsumik inissiinerit, qulleq aappaluttuutillugu ingerlaannarnerit biilersinnaanermullu allagartaqarani biilernerit tamatumani pineqarput. Ataaseq biilersinnaanermut allagartamik arsaagaasimagaluarluni biilertoq aamma naammattoorneqarpoq.

- Biilertartunit aqquserngit inissaqarnerulersimanerat qularnanngitsumik malugineqarsimavoq. Kaammattorusuppakkali aqqusinikkut angallannermi inatsisinik malinneqqullugit ilaatigullu sukkassusissamut killiliussanik qaangiinaaveersaaqqullugit, pigaartut pisortaat oqarpoq.

Ataatsimoorluta pitsaasumik inuuneqalersitsissaagut
Kommuneqarfik Sermersooq sapaatip-akunnerani imigassaq pillugu oqallisiginninnermi ilaqutariinnut tamanut peqqinnartunik nuannersorpassuarnillu sammisassaqartitsissaaq, tamanna sapaatip-akunnera 18-...
Sunngiffimmi illuaqqat pillugit tusarniaassummut nalunaarummi kukkuneq
Nuuk Ugeavis nr. 23-mi (03-06-2020) qupp. 12-imi nalunaarut kukkuneqarpoq. Nalunaarummiippoq sunngiffimmi illuaqqat sanaartorneqarnissaannut nunaminertamik agguaassinissaq pillugu tusarniaaneq...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER