Skip to main content

Politiit: Amerlanerusut kinguaassiutitigut pinerliisoqarsimaneranik nalunaaruteqarput

Kalaallit Nunaanni Politiit februaarip tallimaani ”Kinguaassiutitigut atornerluinerit nalunaarutigikkit - ikiussavatsigit” qulequtsiullugu suliniutiminnik saqqummiussinerisa kingorna kinguaassiutitigut pinerliisisoqarsimaneranik nalunaarutinik amerlanerungaartunik tigusaqarsimapput

Politiit Sermitsiaq.AG-p qinnuiginninneratigut naatsorsuisimapput, naatsorsuinermi takuneqarsinaavoq suliniutip sapaatip akunnerini marlunni ingerlanneqareernerani meeqqat 15-it inorlugit ukiullit kinguaassiutitigut pinerliiffigineqarsimasut pillugit nalunaarutinik 30-nik  politiit tigusaqarsimasut.

Asssersuutigalugu Kalaallit Nunaanni Politiit 2019-imi meeqqat 15-it inorlugit ukiullit kinguaassiutitigut pinerliiffigineqarsimasut pillugit nalunaarutinik katillugit 225-nik tigusaqarsimapput, tassa sapaatip akunneranut agguaqatigiissillugu nalunaarutit sisamat-tallimat tiguneqartarnerattut amerlatigisunik. Tassa siornamut sanilliullugu sapaatip akunnerini kingullerni nalunaarutigineqarsimasut amerlanerungaatsiarput.

Kalaallit Nunaanni Politiit erseqqissaatigaat, nalunaaruterpassuarnik tigusaqarsimanerannut suliniuteqarneq pissutaanersoq oqaatigissallugu siusippallaartoq, ”naatsorsuutigineqartorli” tamatuma pissutaanissaa.

Paqumiginnikkunnaartoqarnissaanik anguniagaqarneq

- Neriuutigaarput kinguaassiutitigut innarliisarnerit oqaluuserinissaannut paqumiginnittarnerup unitsinnissaanut tamanna aallarniutaassasoq, taamaammallu siusinnerusumut sanilliullugu nalunaarutinik suli amerlanerusunik tigusaqartassalluta. Suliniutigisarput tigulluarneqarsimavoq, nalunaarutiginnittannginnerulli annikillisarneqarnissaa suliassaavoq oqimaatsoq, vicepolitiinspektør Viggo Johansen Sermitsiaq.AG-mut oqarpoq.

Kalaallit Nunaanni Politiit suliniuteqarnermikkut paqumiginnittarneq nalunaaruteqarnissamullu tunuarsimaartarneq, tassa kinguaassiutitigut innarlerneqarsimasut pinerliiffigineqarsimanerminnik nalunaaruteqarnissamut tunuarsimaartartut unitsikkusuppaat.

- Taamaammat suliniuteqareernerup kingorna kinguaassiutitigut innarliisarnerit taakkulu suliarineqartarnerat sammineqarneruniarput, Politiinit erseqqissaassutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER