Politiit: 19-nik ukiulik ajutoornikkut toqusimavoq
Angut inuusuttoq 19-inik ukiulik tallimanngormat ullaakkut Maniitsumi ajunaarpoq. Politiit misissuinerisa takutippaat, inuusuttoq init quleriit arfernannit nakkarluni ajunaarsimasoq.
Annonse
Kalaallit Nunaanni Politiit tallimanngormat ullaakkut nalunaarfigineqarsimapput, Maniitsumi ajoqusertoqarsimasoq. Politiit takkummata paasinarsisimavoq, angut 19-inik ukiulik ajutoornermigut toqukkut qimagussimasoq.
Politiit Sermitsiaq.AG-mut ilisimatitsissutigaa, misissuinerup takutikkaa ajutoortoqarsimasoq:
- Ajutoortoqarsimavoq, angut 19-inik ukiulik init quleriiaat arfernanit nakkarsimavoq ajunaarlunilu, Kalaallit Nunaanni Politiit attaveqartartuat Camilla Palmann ilisimatitsivoq.
- Politiit misissuinerisa takutippaat pinerluuteqartoqarsimanngitsoq, angulli alianartumik ajutoortoqarneratigut ajunaarsimavoq, politiinit oqaatigineqarpoq.