Suliaq suli naammassinngilaq
Politiit: Vivip susimaneranik nalunngisalimmik saaffiginnittoqarpoq
Vivi Inger Kristiansen pillugu tv2-mi aallakaatitsisoqarpoq sisamanngornerup unnukkuani. Suliami nutaanik paasisaqartoqaratarsinnaasoq Ringstedimi politiit oqarput
Inuartarineqarsimasut toqutsisui suli kikkuunersut paasineqanngitsut pillugit Tv2-mi aallakaatitsisoqaqattaarpoq. Takutinneqartunut ilaavoq Vivi Inger Kristensen pillugu suliaq. Tv2-mi sisamanngornermi taanna takutinneqarpoq.
- Suliami uani inuit sasamat-tallimat saaffiginnipput. Saaffiginnissutaat malillugit suliaqassaagut misissuillutalu, Ringstedip polititeeqarfiani pisortaq Johnny Nilsson Sermitsiaq.AG-mut oqarpoq.
- Ajunngilluinnarpoq inuit sianermata unalu pillugu oqaluttuassaqarmata. Ingerlariaqqinnissatsinnut iluaqutaasinnaasut katersussavagut. Saaffiginnissuteqartut oqaluttuarnerat malillugu nalilerparput ippassaq saaffiginnissutigineqartut uagut misissoreerigut, Johnny Nilsson oqarpoq.
Ringstedip atornerluisut akornanni pappilissanik Vivi Inger Kristiansenip assiinik tunioraasimallutik oqarpoq.
- Neriuppugut una sammisarput pillugu inuk arlaat ilisimasaqassasoq eqqaamasaqassasorluunniit. Vivip paasissutissaanik imalinnik tunioraavugut. Inuillu kaammattorpagut tv2-mi aallakaatitassiaq isiginnaassagaat, Johnny Nilsson oqarpoq.
Vivi Inger Kristiansen juulip qulingiluaanni 2008-mi Ringstedip illoqarfittaaliarnermini tammaaneqalerpoq. Unnummi tassani Sorøvej 59-ikkut pisuppoq. Nalunaaqutaq unnukkut qulingiluat unnuap qeqqatalu missaanni tassuunaarpoq. Tassanngaanniit ilisimaneqanngilaq Vivi susimanersoq.
Vivi Inger Kristiansenip timaa Sorøvej 59-imiit kilomeeterit tallimanik ungasitsigisumi arpattumit nassaarineqarpoq maajimi 2009-mi.
Vivi-mut toqutsisoq Ringstedimi politiit suli nassaarinngilaat.