Skip to main content

Politiit uniformimut piumasaqaat pillugu: Amerlanerpaat nalunngereerpaatigut

Politiit ullumikkuminngaanniit uniformiisigut normulersorneqartalermata kinaassusaat paasiniarneqarsinnaanngorpoq

Maannakkuminngaanniit qallunaat politiivi tamarmik, aammalu Nunatsinni Savalimmiunilu politiit, tamarmik assigiinngitsuni ersarissunik normoqartalissapput.

Politiit tamarmik immikkuullarissumik normoqartassapput, taanna naqinnermik ataatsimik kisitsisinillu sisamanik allaqqasoqartassaaq, uniformimilu velcrobåndimut nipitinneqartassaaq.

Inatsisit nutaat
Politiit kukkusumik pissusilersorsimappata aammalu arlaat maalaaruteqarpat, kinaassusaannik ilisarinninnissaq pisariillisarniarlugu, inatsisinut atuutsitsinermut ministeriaqarfiup aaqqiissut eqquppaa.

Innuttaasut siullermik pisup qanga pineranik aamma sumi pinersoq oqaluttuareqqaarneqartartussaasimavoq, taamaalillunilu politiip atia ilisimatitsissutigineqarsinnaalluni - malittarisassat nutaanngitsut naapertorlugit, politiip atini apeqqutigineqarpat ilisimatitsissutigissallugu pisussaaffeqarpoq.

Kisianni ullumikkuminngaanniit normunik aaqqiissut nutaaq naapertorlugu, politiip atini ilisimatitsissutiginissaa itigartitsissutigisinnaavaa, normunilu paasissutissiissutigiinnarlugu.

Nunatsinni suliat tunngavissaqanngitsorpassuit
Kalaallit Nunaanni politiit sooq normoqartalissanersut pillugu, Sermitsiaq.AG-p politimesteri Bjørn Tegner Bay oqaloqatigaa.

Normut nutaat atuutsinneqalernerannut tunngavilersuutit ilagaat, politiit pissusilersornerat pillugu maalaarutit suliarineqarnissaat pisariinnerulernissaa. Innuttaasunit pissusilersornersi pillugu maalaarfigineqarajuppisi?

Politiit pissusilersuutaat pillugit maalaartutit ukiumut arfineq-pingasut qulingiluallu missaaniittarput. Maalaarutillu amerlanerpaartaat tunngaveqanngitsut paasinarsisarpoq. Maalaarutit immikkut ittumik periuseqarluni suliarineqartarput, Politiinut maalaaruteqarnermut ataatsimiititaliap nakerisarsiunngitsup, suliat ataasiakkaat tamaasa suliarisarpai, Bjørn Tegner Bay Sermitsiaq.AG-mut oqarpoq.

Atuaruk: Kalaallit Nunaanni Politiit nutaamik qullersartaarput

Politiit najukkami ilisarisimaneqartartut
Ulluinnarni sulinissinni maanna uniformini normoqalerneq, sumik allannguuteqarnissaa naatsorsuutigaasiuk?

- Allannguuteqangaarumaarneranik isumaqanngilanga. Kalaallit Nunaanni Politiit uagut iluatsitseqaagut innuttaasunik qanimut attaveqaratta, amerlasuut kinaanitsinnik ilisimannipput - normoqarutta peqanngikkuttaluunniit assigaa. Eqqaamasara naapertorlugu maalaarutinik suliaqarnitsinni, sulisutta kinaanerani paasiniaanermik ajornartorsiuteqarnikuunngilagut, politimesteri naggasiivoq, taassumalu politiit ulluinnarni sulinerannut normunik aaqqiissuteqarneq malunniuteqarnavianngitsoq nalilerpaa.

Nunani tamalaani misilittagaq
Nunat arlaqartut taamatut aaqqiissuteqartareerput, Norgemi aamma Skotlandimi ilaatigut tallimanik kisitsisilinnik normoqarput.

Taakkunannga nunanit marlunnit misilittakkat tunngavigalugit, qallunaat taamatut aaqqiissutissaminnik suliarinnipput.

Atuaruk: Politimesteri: Pitsaaliuinermut ataavartumik suli sulisoqartariaqarpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER