Politiit umiatsiamik aallarussisiamasumik ujaasinertik unitsippaat: Aallarussisimasoq suli ujaarineqassasoq
Takunnissimasup ataatsip oqaluttuarisimavaa, angut pingasunngornermi ullaakkut umiatsiamit aallarussimasaminit sissamut tulariarluni niusimasoq. Oqartussat tamanna tunngavigalugu, angutip pineqartup umiatsiamit nakkarsinnaanera eqqarsaatigalugu ujaasineq aallartissimasartik unitsippaat. Politiilli aallarussisimasumik suli ujaasipput.
Kalaallit Nunaanni Politiit innuttaasumit umiatsiamik aallarunneqarsimasumik Nuutoqqap sissaanut tulassimasumik takunnissimasumit nalunaarfigineqarsimapput, umiatsiamik aallarussisimasoq nioriarluni illoqarfiup tungaanut arpalluni ingerlasimavoq.
Politiit taamaammat ujaasineq unitsissimavaat, angutip umiatsiamik ingerlatsinermini ajutoorsinnaajunnaarmat.
Politiit suliaq suli misissuiffigaat, matumani umiatsiaaqqamik tillissimaneq pineqarmat.
- Suliamut atatillugu takunnissimasinnaasunik suli ujaasivugut, inuit angummut ilisarnaataasutut saqqummiunneqartunut assingusumik takunnissimasinnaasut tusarfigerusuppavut:
Angut, kalaaleq. Nalinginnaasumik isikkulik
Qernertumik nasartalimmik jakkeqarpoq, qarlinnik tungujortumik qalipaatilinnik arpaateqarpoq, arpaatai ADIDAS-imik meqqeqarput niutaasigut qaqortumik qalipaatilimmik titarnertallit.
Taartunik skoqanngikkuni støvleqarpoq
Politiit inuit Nuutoqqamiit Nuummut appartumik/ingerlasumik imaluunniit Nuummi Kangerlukasiup Avannarliup eqqaanut ingerlasumik takunnissimasinnaasut tusarfigerusuppaat.
Pisumik takunnissimagaanni ilisimasaqaraanniluunniit politiit oqarasuaat 70 14 48 aqqutigalugu attavigineqarsinnaapput.