Politiit ujaasinermik unitsitsipput
Politiit angummik Nuummeersumik 68-inik ukiulimmik, marlunngormat Aasiaat Radioatigut ajunaalernerminik kalerrisaarisimasumik ujaasinertik manna untisippaat.
Aasiaat Radioata marlunngormat nal. 17:23 Nuup eqqaani inummit ajunaalernermik kalerrisaarummik tigusaqarsimalluni politiinut nalunaarutigimmaguli, politiit Issittumi Sakkutooqarfimmik suleqateqarlutik ujaasilersimapput.
Politiit, inuup Aasiaat Radioatigut "mayday maday kivilerpunga" marlunngormat nalunaarutigimmaguli ujaasilersimapput. Politiit inummut ujaarineqartumut tunngatillugu paasissutissaateqarsimapput killilimmik. Paasissutissat ilaat ataaseq tassaavoq, Aasiaat Radioanut kalerrisaarinerata Nuup avannaata kitaatutaaniittumi Qingaaq 16-ikkoorsimanera.
Politiit ippassaq ualikkut umiatsiaaqqamik Kangiup avannaata tungaaniittumi Akiani nassaarput. Politiit suliamik misissuineranni, umiatsiaara Nuummi ilaqutariinneersoq paasineqarpoq, taakku uppernarsarsinnaasimavaat, umiatsiaaraq ilaqutaasumit angalalluni aallarsimasumit, sulilu tikinngittumit pigineqartoq.
Angut Nuummeersoq 68-inik ukiulik pineqarpoq. Issittumi Sakkutooqarfik Kalaallit Nunaanni Politiit angallataannut ikiuulluni ujaaseqataasimavoq, tassani umiarsuit nakkutilliissutit kiisalu qulimiguulik timmisartorlu challenger atorneqarsimapput. Politiinit aamma Air Greenlandip qulimiguuliutaa S61 ujaasitinneqarsimavoq. Kiisalu inuinnaat umiatsiaaqqaminnik ujaaseqataasimallutillu Akiata nunataani ujaaseqataasimapput.
Angutip ilaqutai ilisimatinneqarsimapput.