Skip to main content

Politiit tusagassiortunik katersortitsipput

Piffisami matumani politiit Uummannap eqqaani pisut pillugit oqaluttuarput. Tamanna pereerpat paasissutissaqarnerulerutta uterfigiumaarparput

Kalaallit Nunaani Politiit Facebookiminni ima allaaserinnipput:

Sapaammi unnuup tungaani nak. 19.40 sioqqullugu politiit qulimiguulimmit nalunaarfigineqarput innaarsuup ilaa annertooq nakkaasimasoq. Tamatuma kinguneranit Illorsuarni kingornalu Niaqornani innuttaasut qimagussortinneqarput.

Nunaqarfinni taakkunani marluusuni innuttaasunik qimagussortitsineq qulimiguullit atorlugit angallatinut marluusunut, Vædderen aammalu Ejnar Mikkelsen, ingerlanneqarpoq. Nunaqarfinnit taakkunannga inuit 70-it missaanniittut Uummannaliaanneqarlutillu Aasialiaanneqarput, aammalu politiit Nuugaatsiamiittut aaneqarlutik.

Angallatit marluk apuuffissaminnut Uummannamut Aasiannullu tikissimalerput, taakkunanilu oqartussaasut qimagussortinneqartunik isumaginnileruttorlutik, aammalu tassunga atatillugu paasissutissiinernik ataatsi-miisitsisoqarpoq.

Nuugaatsiami qarsutsinermut atatillugu inuit sisamat suli ujaarineqarput, maannakkuugallartorlu imaatigut ujaasineq pisinnaanngikkallarpoq piffimmi sikoqarnera aammalu tassaarsuaqarnissaata aarleqqutigineqarne-ra pissutigalugit. Taamaattumilli innuttaasut piffimmut qanillinnginnissaannut piumaffigineqarput, imaatigut angalaneq annertuumik inuunermik navianartorsiortitsisinnaammat.

Nunaqarfinni pingasuusuni qimmit nerisinneqartarnissaat oqartussanit isumagineqarput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER