Politiit toqutsisoqarsimaneranik misissuipput

Kalaallit Nunaanni Politiit arfininngornermi decembarip 29-ani Ilulissani toqutsisoqarsimasinnaaneranik nalunaarfigineqarput.

Kalaallit Nunaanni Politiit pigaartuisa pisortaat, Julie Senderovitz Bendtsen tusagassiutinut taama nalunaaruteqarpoq.

Suliami inuk ataaseq tigusarineqarpoq, tigusarineqartorlu sapaammi ullaakkut eqqartuussivimmi sassartinneqassaaq.

- Ilaqutariit iluanni aaqqiagiinngittoqarnera pissutaarpasippoq, pigaartut pisortaat, Julie Senderovitz Bendtsen allappoq.

Suliaq toqutsisimasoqarneratut misissuiffigineqartoq, Kalaallit Nunaanni Politiit tusagassiutinut ilisimatitsipput.