Skip to main content

Politiit timmisartoqarfiup eqqaani biilinik aporseriarluni qimaasoq pillugu video tamanut saqqummiuppaat

Innuttaasut arlallit paasissutissaateqarnerarlutik politiinut saaffiginnissimapput, taama oqarpoq Viborgimi politiit misissuisartuisa pisortaat. Kalaaleq 22-nik ukiulik aporneqarluni ajunaarpoq

Viborgimi politiit, ataasinngormat unnukkut Karup Timmisartoqarfiata eqqaani pisoq pillugu paassissutissanik 35-nik pissarsisimapput.

Angut kalaaleq sakkutooq 22-nik ukiulik tassani biilinik aporneqarami ajunaarpoq, biilinik apuisoq apuigami qimaasimavoq.

- Paasissutissat pissarsiarisavut sumut tamaanga sammiveqarput, najukkami politiit misissuisartuisa pisortaat Christian Toftemark oqarpoq.

Innuttaasut sianerlutik oqaluttuarisarpaat, qanittumi biilinik ajoqutilinnik takusimallutik imaluunniit biilinik qaangerneqartarsimallutik. 

Allat sianerlutik oqaluttuarisarpaat, aalakoorluni siusinnerusukkut biilersimasumik eqqaminni nalunngisaqarlutik.

- Paasissutissarli eqqortoq suli amigaatigaarput, misissuisartut pisortaat oqarpoq. 

Politiit taamaammat video tamanut saqqummiuppaat, neriuutigalugu biili pineqartoq sumissusersiumaarlugu. Videokkut takuneqarsinnaapput biilit marluk, Herningvejimi ajunaarfiup kujatinnguatigut Gedhusvagtenip silataatigoortut.

Biili siulleq biiliuvoq assartuut qaqortumik qalipaatilik, taassumalu kingunitsiannguatigut biili qaamasoq sanioqquppoq, biilip taassuma aquttua politiinit kinaassusersineqarusuppoq. Biilimi assartuummi aquttoq takunnissimasinnaasutut ujartorneqareerpoq.

 

 

 

Politiit siusinnerusukkut nalunaarutigaat, biili qimaalluni atorneqartoq"Peugeot 206"-itut angissuseqartoq. Saamigut ajoquteqassagatinneqarpoq igalaavalu aserorsimannguatsiarluni. Biilili sorpiaanersoq ilisimaneqanngilaq.

Politiit ataasinngormat unnukkut qulingiluanut tanneq qulingiluat nalunaarutisipput, kungunitsiannguagullu politiit ambulancillu ajunaarfimmut apuullutik. Biili pineqartoq Viborgip tungaanut avannamut ingerlasimavoq. 

Misissuisut pingasunngormat videotigut immiussanik assinilluunniit biilimik sumiissusersisinnaasunik nassaarnissartik neriuutigalugu sumiiffimmi misissuisimapput. 

- Suut tamaasa assiliivimmik nassaarfigisinnasavut misissorsimavavut, Christian Toftemark oqarpoq.

Tamatuma saniatigut misissuisut timmisartoqarfiup eqqaani ajunaarfimmik suli misissuillutillu ajunaartup atisai takussutissaqarnersut misissorpaat.

Innuttaasut assingusumik biililinnik ilisimasallit, politiinut oqarasuaat 114 aqqutigalugu saaffiginninnissaannik politiinit kaammattorneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER