Politiit takunnissimasunik ujaasipput: Nuummi sullorsuup eqqaani biilit ajutoortut
Nuummi biilit sullorsuup eqqaani ajutoortut, Kalaallit Nunaata Politiivinut arfininngornerup unnuaani nalunaarutigineqarput. Aquttoq ajutoorfimmit qimaasimavoq.
Kalaallit Nunaata Politiivi arfininngornerup unnuaani 16. januar nalunaaqutaq 04.08 nalunaarummik tigusaqarput. Biilit Nuummi sullorsuup eqqaani ajutoorsimapput. Biilit Industrivejip eqqaani ajutoornermi ajoquserujussuarsimapput.
- Aquttoq ajutoorfimmiit qimaasimavoq, Politiini pigaartut pisortaat, Malik Sandgreen Sermitsiaq.AG-mut ilisimatitsivoq.
- Ajutoortoqarnerani takunnissimasinnaasut oqaloqatiginissaat soqutigivarput. Aamma ajutoorfimmiit arpattumik, allatigulluunniit pasinarsinnaasunik takunnissimasunik oqaloqateqarusuppugut, Malik Sandgreen oqarpoq.
Taanna kaammattuivoq takunnissimasinnaasut politiinut tlf 701448-mut sianeqqullugit.
Ulapaarsimasut
Pigaartut ilisimatitsipput politiit sapaatip akunnerata naanerani ulapissimasut. Suliassat arlallit imigassartortoqarsimaneranit aallaaveqarput. Nuna tamakkerlugu ulapaarfiusimavoq.