Politiit takunnissimasunik ujaasipput: Angut Tasiilameersoq toqusoq
Tasiilami Politiit angutip sumi ingerlaarsimasinnaaneranik ilisimasaqartut takunnissimasulluunniit pissarsiariumavaat. Angut ilisimanngitsoq timaalu nillertingaatsiarsimasoq ippassaq nassaarineqarpoq, angullu ullumi toqulluni.
Tasiilami Politiit angutip pingasunngornermi oktoberip qulingiluani sisamanngornermilu oktoberip qulingani sumiissimaneranik ilisimasaqartut takunnissimasullu ujarpaat. Angut 42-nik ukiulik Odin Mikikimik ateqartoq kinaassusersineqarpoq. Taanna Tasiilami silami ilisimanngitsoq timaalu nillertingaatsiarsimasoq, sisamanngornermi ullaakkut nassaarineqarpoq.
- Tasiilami Politiit oktoberip qulingani ullaakkut nalunaarfigineqarput angut 40-t sinnerlugit ukiulik Tasiilami napparsimmaviliaanneqarsimasoq. Angut, 42-nik ukiulik Odin Mikiki, ilisimanngitsoq timaalu nillertingaatsiarsimasoq nassaarineqarsimavoq, Kalaallit Nunaata Politiivi tusagassiutinut nalunaaruteqarlutik ilisimatitsipput.
Odin Mikiki nassaarineqarnermi kinguninngua ulloq taanna Islandimi napparsimmavissuarmukaallugu timmisartumik angallanneqartariaqarsimavoq. Ullumili oktoberip aqqarnani toqulluni. Kalaallit Nunaata Politiivisa ilisimatitsissutigaat ilaqutaasut kalerrinneqareersut.
- Tasiilami Politiit Odinip oktoberip qulingiluaata qulingatalu akornanni sulerisimaneranik ilisimasaqartut attaveqarfigerusuppai. Suliamut tunngassuteqartunik allanik ilisimasaqartut aamma attaveqaqquneqarput, tusagassiutinut nalunaarummi allassimavoq.
Pisumi ilisimasaqartut Tasiilami Politiinut uunga tlf. 70 12 24 attaveqaqquneqarput.