Politiit suli ujaasisut: Julie takunngiliuk?

Østjyllandimi Politiit, Julie Nathanielsen Aarhusimeersoq nassaariniarlugu aammaarlutik ikioqqupput. TV2 Østlylland taamatut allagarpoq.

Julie Nathanielsen Arhusimi Frydenlundscenterip eqqaani januaarup arfineq-pingajuanni kingullermik ajunngitsoq takuneqarpoq.

Julie Nathanielsen imerajuttuunerup nassataanik puigortunngoriartortuuvoq, ilaqutaasalu qularaat imminut isumasiginnaanera.

Østjyllandimi Politiit januaarip 27-ani ujaaseqqaalerput, taamanikkumiilli maannamut innuttaasut arlallit politiinut saaffiginnittarsimapput. Saaffiginnissutilli kinguneqartarsimanngillat imalluunniit misissueqqinnissamut tunngavissiisimanngillat.

Tammaaneqartoq siusinnerusukkut piffissami sivikitsumi, ilaatigut ullut tallimat tikillugit tammaqqasarsimavoq, maannakkutulli sivisutiginngitsumik. Frydenlundip najugaqarfigisami eqqaaniittumut siusinnerusukkut Klostertorvetsimukartarsimavoq.

Julie Nathanielsenip sumiinneranik paasissutissaatillit takunnissimasulluunniit politiinut oqarasuaat 114 atorlugu saffiginneqquneqarput.