Skip to main content

Politiit suli paasiniaapput: Toqutsinerit arlaqartut suli aalajangiiffigineqanngillat

Politiit paasiniaaneranni toqutsinernut arlaqartunut pasisat suli tigummineqarput. Taakku ilaat ukiumi ilivitsunngulersumi tigummineqarput

Ikinnerpaamik inuit arfineq-pingasut, tamarmik angutit, maannakkut Pinerluttunik Isumaginnittoqarfimmit tigummisatut nakkutigineqarallarput siorna aamma ukioq manna toqutsinernut tallimanut – imminnut attaveqanngitsunut - pasineqarlutik

Maannakkuugallartoq arfineq-pingasuusunit ataatsimut suliassaq eqqartuussivimmi aalajangiiffigineqartussanngorpoq. Soorlu sapaatit akunneranni kingullermi AG-p allaaserigaa Eqqartuussisoqarfik Kujallermi juunip aallartinnerani ullut pingasut immikkoortippai Qaqortumi angutip 67-inik ukiullip toqutaaneranut suliassamut. Angut inuusuttoq siorna juunip ulluisa 26-annili tigummigallarneqarpoq.

Suliassat allat suli paasiniarneqarput, taamatut ilisimatitsivoq politeeqarfimmi tusagassiortunut aamma attaveqatigiinnermut sulisoq Fabian Uth Nielsen.

Pineqartoq, sivisunerpaamik tigummineqarallartuusoq, siorna juunip ulluisa 21-annili tigummineqarallarneqartoq, tassaavoq angut 40-t sinnerlugit ukiulik, Nuummi arnamik 40-nik ukiulimmik toqutsisimasutut aamma arnap panianik toqutseriartutut tigusarineqartoq. Angutip unnerluussap ukioq maannamut maajip ulluisa 18-iannut tigummineqarallarnera sivitsorneqarpoq. 

Aasianni toqutsineq

Aammattaaq niviarsiaqqamik aqqanilinnik ukiulimmik Aasianni toqutsisimasutut unnerluutigineqartup tigummigallagassanngortinneqarnera sivitsorneqarpoq ukioq manna maajip ulluisa 19-iannut. 

Nutaarsiassaq tamaat AG-imi atuaruk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER