Politiit serlersaarisimaneq pillugu suli paasisaqanngitsut

Kalaallit Nunaanni Politiit Hans Egedep eqqaassutissaanik Nuutoqqamiittumi martsip 25-ani serlersaarisoqarsimaneranut atatillugu paasissutissanik takunnissimasunillu amigaateqarput.

Politikommissæri Gedion Quist Sermitsiaq.AG-mut taamatut ilisimatitsissuteqarpoq.

Kalaallit Nunaanni Politiit tallimanngornermi martsip 25-ani ilisimatinneqarput eqqaassutissaq serlersaariffigineqarsimasoq pillugu. Eqqaassutissaq qalipaammik aappaluttumik imatut allaffigineqarsimavoqe ” Live, laugh, land back”, nutserlugu imatut oqaasertalimmik ”Inuugit, illarit, nuna utertilli”.

Politiit eqqaassutissap serlersaariffigineqanngitsiarnerani pasinarsinnaasunik takunnittoqarsimanersoq taamanikkulli paasiniaalersimapput, mannali tikillugu suli iluatsitsisimanatik.

- Takunnissimasinnaasunit allanit saaffigineqarsimanngilagut. Takunnissimasut nalunngisavut apersorsimavagut. Paasiniarnermulli tamanna iluaqutaasimanngilaq. Maannakkorpiaq pasisaqanngilagut, Gedion Quist Sermitsiaq.AG-mut oqarpoq.

Aatsaat serlersaariffigineqanngitsoq

Hans Egedep eqqaassutissaa ulloq 21. juni 2020 kingullermik aappaluttumik qalipaatilimmik allattuiffigineqarsimavoq. Taamanikkut politiit pasisaqarput, takunnissimasumilli ataatsimik nunami allami najugalimmik apersuinissaq amigaataammat misissuineq suli uninngalluni.

- Serlersaarinerni marluusuni qalipaammik aappaluttumik allattuisoqarsimammat suliat taakku marluk imminnut attuumassuteqarnersut eqqarsaatigisimavarput. Imminnulli attuumassuteqarnersut imaaliinnaq takusinnaanngilarput, politikommissæri Gedion Quist oqarpoq.

Hans Egedep eqqaassutissaanik serlersaarisoqarneranut takunnissimasinnaasut politiinut 70 14 48 aqqutigalugu saaffiginnittoqarsinnaavoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...