Politiit sapaatip akunnerata naanerani aningaasarsisoqarmat ulapissimapput

Politiit sapaatip akunnerata naanerani arlaleriarlutik imigassartorsimanermut atatillugu pisunut orniguttariaqartarsimapput, ilungersunartunilli pisoqarsimanngitsoq, pigaartut pisortaata nalunaarutigaa.

Aggustip qaammataani sapaatip akunnerata naanerani siullermi angerlarsimaffinni eqqissiviilliornerit, persuttaassimanerit aqqusinernilu eqqissiviilliornerit Kalaallit Nunaanni Politiit ulappugitigismavaat.

Pigaartut pisortaat Preben Kleist Sermitsiaq.Ag-mut taamatut ilisimatitsivoq.

- Sineriak tamakkerlugu suliassaqaalussimavugut, tassa sapaatip akunnerata naanerani aningaasarsisoqaraangat pisarnertut tamanna issimavoq, taanna oqarpoq.

Ilungersunartunilli pisoqarsimanngilaq, pigaartut pisortaat erseqqissaavoq.

Akiuussutissalerneqarsimanermut uppernarsaateqartoqarnersoq misissuisimasut

Akiuussutissalertissimanermut uppernarsaateqarnissamik piumasaqaat nutaaq naapertorlugu politiit sapaatip akunnerata naanerani misissuisarsimapput. Inuit malittarisassanik nutaanik malinnilluartut oqaatigineqarpoq.

- Kingullertut nalunaarutigineqarpoq, misissorneqarsimasut akornanni malittarisassanik unioqqutitsisoqarsimanngitsoq, Preben Kleist oqarpoq.

Powered by Labrador CMS