Nuuk
Politiit: Qimagussortitsineq ingerlavoq
Inuit eqqugaasut politiinit kulturip illorsuani Katuami paasissutissiivigineqarput
Nuummi GU-mi inuit politiinit qimagussortinneqaleruttorput - immikkoortortaqarfiit atasut ilanngullugit - ilinniarfeqarfiusumut sioorasaarisoqarnerata kingorna taama pisoqarpoq - sioorasaarutit politiinit 'asuliinnaanngitsoq' tiguneqartut.
Sivisussasoq
- Qimagussortitsineq maanna ingerlanneqaleruttorpoq, tamannalu sivisulaassagunarpoq. Inuit politiinit eqqissisimaqquneqarput. Aammalu ilinniartut, sulisut aamma GU-miittunik ilaqutaasut Katuami naapeqquneqarput, tassanilu politiit paasissutissiivigiumaarpaat, oqartussat taama nalunaarput.
- Ilinniartut ilaat siusinnerusukkut angerlartinneqareersimasut paasivarput. Taamaattumillu meeqqat, inuusuttut aamma sulisut suli anisimanngitsut Katuamut qimagussortinneqassapput, politiit ilisimatitsipput.
Ajoqusertoqanngitsoq
Politiit aamma erseqqissaatigaat, GU-mi eqqaanilu inunnik ajoqusertoqarsimanngitsoq.
Qimagussortitsinermut atatillugu politiit kajumissaarutigaat, inuit piffimmiittut politiit peqqussutaat malissagaat.
Paasiniarneqaleruttorpoq
Politiit inuk pineqartoq GU-mut sioorasaaruteqartoq maanna paasinialeruttorpaat. Tassunga atatillugu aamma innuttaasut politiit Nuumi suliaqarfiinit ungasilleqqanissaat piumasarineqarpoq, peqqussutaallu maleqquneqarput.
Atuaruk: Nuummi GU-mut sioorasaarineq