Illoqarfiit pingaarnersaanni anorersuarpoq, aqqusinermilu angallannermi ajornartorsiortitsivoq.

Innuttaasut aatsaat pisariaqarluinnartillugu biilersinnaasut, politiini pigaartut pisortaat, Carl Sværd, Sermitsiaq.AG-mut taama ilisimatitsivoq.

Nuup aamma illoqarfiup immikkoortuata Qinngorput akornanni aqqusineq matugallarneqassasoq, taassuma aamma oqaatigaa, tassani aqqummi biilit arlallit marrinnikut ingerlaqqissinnaanngimmata. Taamaammat aqqusineq matugallarneqarpoq, kommunimi sulisut biilinik nusutseriarlutik aputaajaaniassammata.

Bussit uninngasut

Persernerani aquttunut ersernerlunnera pissutigalugu, Nuup Bussiisa ulloqeqqaanerata missaani Nuummi bussit ingerlajunnaartut nalunaarutigaat. Bussit ingerlaqqilerpata ingerlatseqatigiiffik Facebook aqqutigalugu nalunaaruteqarumaarpoq.

Kalaallit Nunaanni Politiit ulloqeqqaanerani Facebookikkut mianersoqqussuteqarput, perserpallaarnera pissutigalugu pisariaqanngitsumik angalasoqannginnissaanik qinnuiginnillutik.

Nuummi innuttaasut arlallit assersuutigalugu biilit marrissimasut assinginik, kiisalu perserneranik ersernerlunneranik assinik ikkussuisimapput.

DMI-p silassamut ilimasaarutaa malillugu sapaammi ualikkut anoraa 22 m/sek.-inik sukkassuseqassaaq, anoraasuartarneralu 29 m/sek.-inik sukkassuseqassalluni.

DMI-p silassamut ilimasaarutaa malillugu unnuap qeqqata missaani anoraa sakkukilliartulissaaq.

Nutaarsiassat

Kommunip paaqqinnittarfiini atuarfiup kingorna ornittakkanilu sulisut pikkorissartut

Nuummi paaqqinnittarfinni kiisalu atuarfiup kingorna ornittakkani sulisut ilinniagaqarsimanngitsut piginnaanngorsaqqinneqarnertik sapaatit akunnerisa qulinganni aallartippaat....

Innuttaasunik suliffeqarfinnillu sullissineq pitsaanerusoq

Qatserisartut Sermersuup innuttaasut suliffeqarfiillu  ajornannginnerusumik upalungaarsimasunut attaveqartarnissaat kissaatigivaa.

Nalinginnaasunik apeqqutissaqaruit imaluunniit...