Politiit pinngitsaaliinermut ilisimannittunik suli pissarsiorput
Politiit Nuummi unnuaq pinngitsaaliisoqarsimanera pillugu saaffiginnissutinik atorsinnaasunik suli tigusaqanngillat
Nuummi Politiit ilisimannittunik Hotel Hans Egedep eqqaani arfininngornerup ullaassaani pasinartunik takusaqarsimasinnaasunik saaffiginnittoqarnissaanik suli kaammattuipput.
Politiimmi saaffiginnissutinik atorsinnaasunik maannamut suli tigusaqarsimanngillat.
Arnaq 41-nik ukiulik akunnittarfiup tunuani kaajaluisami nal. 4.00 aamma 4.30 akornanni pinngitsaalineqarsimavoq. Arnaq taxanik utaqqitilluni angummit nutsunneqarluni kaajaluisamukaanneqarsimavoq pinngitsaalineqarlunilu. Arnaq ikioqqulluni arlaleriarluni nilliasarsimagaluarpoq.
AAMMA ATUARUK:
Nuummi unnuaq pinngitsaaliisoqartoq
Taamatuttaaq politiit inuk ima isikkoqartoq pillugu paasissutissaateqarsinnaasut tusarfiginissaannik soqutiginnipput:
Angut, kalaaleq
- 165 cm missaannik angissusilik
- Tuattoq
- 40-t tungaannut ukiulik
- Qernertunik quppernilinnik nujalik
- Kinaa amitsoq, uluai imillungasut,
- Uluaasa saarngi malunnartumik ersarissut, qallui qernertut ersarissut
- · Taartunik qarlilik kamippai/støvlii taartut, taartumik kavaajalik, qalipaatigissumillu tujuuluaralik.
Paasissutissanik politiinut oqarasuaat 701448 aqqutigalugu tunniussisoqarsinnaavoq.