Politiit Ukiumut kisitsisaataat 2017

Politiit: Persuttaasarnerit atornerluisarnerillu annertunerusumik suliniuteqarfiginissaat pisariaqarpoq

Persuttaasarnerit kinguaassiutitigulli atornerluisarnerit inuiaqatigiinni ajornartorsiutaanersaapput. Ataqatigiissarluakkamik suliniuteqartoqarnissaa politimester Bjørn Tegner Bayip kaammattuutigaa.

Persuttaanermik kinguaassiutitigulli atornerluinermik 2017-imi nalunaarutiginninnerit aatsaat taamak amerlatigipput. Tamanna Politiit Ukiumut kisitsisaataanni 2017-imi allassimavoq, pineqartunimmi nalunaarutiginninnerit 9 procentimik qaffariaateqarsimapput ataatsimullu isigalugu persutaanernik nalunaarutiginninnerit 854-iullutik – assersuutigalugu Danmarkimi nalunaarutiginninnerniit sisamariaammik amerlanerullutik.

Kisitsit tujorminartut

"- Nalunaarutiginninnerit eqqartorneqarput, tamaattumik persuttaanerit kinguaassiutitigulli atornerluinerit amerleriaateqarsimanerannik inerniliisoqarsinnaanngilaq. Kisitsisit tujorminartuupput, inuiaqatigiinnilu ajornartorsiutaanersaanera qularutigissaanngilaq, politimester Bjørn Tegner Bay Sermitsiaq.AG-mut erseqqissaavoq.

Oqartussat pineqartunut ataqatigiissarluakkamik suliniuteqarluartariaqartariaqartut, taassuma kaammattuutigaa, meeqqanummi kinguaassiutitigut atornerluisarnerit suli "amiilaarnartumik" qaffasipput.

Paquminartoqarunnaartoq

- Ukiuni kingullerni pineqartuni paquminarsinnaasut qaangernikuuangut, tamatuma kinguneraa persuttaanernik kinguaassiutitigullu atornerluinernik nalunaarutiginninnerit amerlanerulersimanerat. Tamanna pitsaavoq. Taamaaliornikkummi ajornartorsiutit ilisimalersarpagut oqartussallu iliuusueqarsinnaallutillu eqqugaasut ikiorsinnaavaat, Bjørn Tegner Bay, siornatigut eqqunngitsumik pisoqarsimatillugu soqutiginnittoqartarsimannginnera tikkuarlugu, oqaluttuarpoq.

- Isumaqarpunga, pisortat ataqatigiissarluakkamik akiuniarnissamik eqqartuinissaat pisariaqartoq, politimester pisortaqarfiit suliniaqatigiillu namminersortut akornanni aningaasaliissutinik naleqqutinngitsumik "unammilleqatigiinnerat" ilimagalugu, oqarpoq.

Qaffakkiartorneq allanngortinneqassaaq

Ukiuni aggersuni inuusuttut pinerluttuliortarnerat aammalu pinerluttuliortarnerit appariaateqarsimanerat assigilerlugit appartinneqarumaartoq, politimesterip neriuutigaa.

Tillinnianerit ujajaanerillu 2017-imi aatsaat taama ikitsigipput, inuussuttulli pinerluttuliortarnerat 2016-miit 2017-imut 24 procentimik ikileriartinneqarsimallutik, tassa ukioq kingulleq nalunaarutiginninnerit taamaallat 573-iusimapput.

Aamma atuaruk: Imminut toqunnissamik siorasaarinerit amerleriartutImminut toqunnissamik siorasaarinerit amerleriartut

Powered by Labrador CMS