Politiit peqqarniitsumik persuttaasoqarsimaneranik suliaannut nalunaarutigineqartut iluaqutaasut
Inuusuttut arlallit ataasinngormat unnukkut, Nuummi aqqusinermi nukappiaqqamik pisuussuteqanngitsumik peqqarniitsumik saassussinerminni kiinaatigut timaatigullu isimmittaasimasut pillugit misissuineq ingerlariaqqissimavoq.
![Politiit peqqarniitsumik persuttaasoqarsimaneranik suliaannut nalunaarutigineqartut iluaqutaasut](https://image.sermitsiaq.ag/107461.webp?imageId=107461&width=960&height=518&format=jpg)
Nuummi Politiini kommissærip Jan Geislerip Sermitsiaq.AG-mut ilisimatitsissutigaa, innnuttaasunit nukappiaqqamik 14-inik ukiulimmik inuusuttorpaaluit saassussinerannik takunnissimasunit saaffiginnissutinik arlalinnik tigusaqarsimallutik.
-Innuttaasunit ilisimatitsissutit pitsaasut tigusimasavut aallaavigalugit isumaqarpugut, saassussisimasut ilaat kinaassusersisinnaanngorsimallugit, Jan Geisleri ilisimatisivoq.
Suli tigusarinnittoqarsimanngitsoq
Politiilli suliamut atatillugu suli tigusarinnissimanngillat.
-Persuttaasoqarsimaneranik suliarput pimoorulluinnarlugu ingerlapparput, paasiniarlugulu nukippassuit atorsimavavut, Jan Geisleri innuttaasut ikiuussimanerannut nuannaarutilik oqarpoq.
Aamma atuaruk: Nukappiaraq aqqusinermi peqqarniitsumik persuttarneqarsimasoq
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...