Politiit oqarasuaataat sianiinnavittoq
Kalaallit Nunaanni politiit tallimanngornerup unnuaani ulapaarput.
Annonse
Angerlarsimaffinni aqqusinernilu eqqissiviilliornerit innuttaasunit unnuaq politiinut sianngutigineqarput.
- Annertuunik ajornerusunik pisoqanngilaq. Kisianni angerlarsimaffinni aqqusinernilu eqqissiviilliornerit nuna tamakkerlugu ulapaarfiupput. Oqarasuaatigut unnuaq naallugu sianerput, pigaartut pisortaat Nûno Larsen Sermitsiaq.AG-imut taama oqarpoq.
Pisut tamarmik imigassartorsimanermi eqqissiviilliortitsinerupput.
- Angerlarsimaffinni aqqusinernilu eqqissiviilliornerit nuna tamakkerlugu politiinut ulapaartitsipput. Unnuarlu naallugu taama ingerlasoqarpoq, pigaartut pisortaat oqarpoq.
Politiinut ukioq eqqissisimasumik aallartinngilaq. Ukiortaaq aallartilluinnarmat toqutsisoqarpoq, ikuallatitsisoqarpoq toqutseriaasoqarlunilu.