Politiit nunaqarfimmi suliaqartut
Meeqqat pingasut aallaammik angummit 20-nik ukiulimmit aalakoortumit qunusaarneqareersut politiinit angut tigusarineqarpoq. Angut politiinit iperarneqareerpoq
Angut 20-nik ukiulik aallaammik meeqqanut pingasunut umersimasoq politiit nalunaarfiigineqarput ippassaq pingasunngornermi nalunaaqutaq 19.46.
Pisoq Alluitsup Paani pisoq Qaqortumi politiit Sermitsiaq.AG-mut ilisimatitsissutigaat.
- Qaqortumi politiit nalunaartoqareersoq saaffigineqarput, tassanngaannit politiit nunaqarfimmukarlutik Air Greenlandip qulimiguuanik ilaallutik, politiit nalunaaruteqarput.
Iperarneqarpoq
Politiit tikimmata kommunefogedi suleqatigalugu angut nassaarineqapallappoq. Angut nalunaaqutaq 21:50 tigusarineqarpoq, Qaqortumukaanneqarluni.
- Angut imigassartorsimavoq, ullumi sisamanngornermi aatsaat killisiorneqarpoq. Killisiorneqareermat pisoq misissuiffigineqalerpoq, angullu iperarneqarluni, politiit allapput.
Suliap misissuiffigineqarnera pissutalluni politiit annertunerusumik paasissutissiisinnaanngillat.