Politiit nersualaarinnittut: Nakkutilliisoqaraluartoq imigassartorsimasunik biilertoqanngilaq
Tallimanngorneq julefrokosterfissuusarpoq, politiillu angerlarsimaffinni eqqissiviilliortoqarneranik aqqusinermilu eqqissiviilliortoqarneranik ulapputeqarsimappput. Politiit marloriarlutik aqqusinermi nakkutilliisimagaluarlutik imigassartorsimallutik biilertunik unitsitsisimanngillat.
Tallimanngornerup unnukkua julefrokosterfissuusarpoq, tamannalu Kalaallit Nunaannip Politiinit malugineqarsinnaasimasoq, pigaartut pisortaat Jens Rønberg oqaluttuarpoq.
Politiit ilaatigut angerlarsimaffimmi eqqissiviilliortunut aqqusinermilu eqqissiviilliortunut ornigussimapput, nalinginnaasumilli pisoqartarnerata saniatigut allanik pisoqarsimanngitsoq, pigaartut pisortaat oqarpooq.
Nuummi biilertunut aamma nersualaarinnippoq. Politiit unnuap ingerlanerani marloriarlutik aqqusinermi nakkutilliisimapput. biilit katillugit aqqaneq-marluk unitsinneqarsimapput, biilimillu aquttut alkometerimut supitinneqarsimallutik.
Tamarmik promillip akuerisaasup iluaniipput:
- Tamannalu pitsaalluinnartuuvoq, Jens Rønberg oqarpoq.
Kalaallit Nunaanni Politiit tallimanngornermi Nuummi Paamiunilu anorersuartoqarnissaanik aarlerisaarisimapput, anorersuartoqarneranilli ajoqusersimasunik politiit arfininngornerup ullaavani tusagaqarsimanngillat.