Politiit nakkutilliiisimasut: Sisamat imigassartorsimallutik imaatigut angalasimasut
Sapaatip akunnerata naanerani Kapisillit Festivaleqarmat angallatit 63-it misissuiffigineqarsimapput, taakkunanngalu sisamat imigassartorsimalluni angalasimaneq pissutigalugu suliassanngortinneqarsimallutik aamma pingasut annanniuteqartoqannginnera pillugu suliassanngortinneqarsimapput.
Kalaalit Nunaanni Politiit siumoortumik nalunaarutiginikuuaat, Kapisillit Festivalertoqarnerani najuunniarlutik, politiillu imaatigut angallannermi isumannaallisaanermik ukkataqarniartut.
Politiit facebookikkut allapput, festivalertoqarnera, ataasiakkaannguit eqqaassanngikkaanni eqqissisimasumik ingerlasimasoq.
- Festivalimut takkussimasorpassuit imaatigut pitsaasumik isumannaatsumillu angalasoqarnissaa pillugu oqaloqatigilluarsimavavut, Kalaallit Nunaanni Politiit allapput.
Politiit festivalertoqarnerani angallatinik 63-inik misissuisimapput:
Annanniummik nassataqarnissaq inatsisitigut pisussaaffiusoq
- Oqaloqatigiilluarnikkut angusaqarluartoqarsinnaavoq, pisariaqarfimavorli imigassartorsimalluni angalasimanerit annanniuteqaranilu angalasimanerit pillugit suliassanngortitsinissarput. Imigassartorsimalluni angalasimanerit sisamat annanniuteqaranilu angalasimanerit pingasut suliassanngortissimavavut, politiit allapput.
Politiit naapertorlugit, angalasut arlallit tupaallaatigisimavaat, angallammi inuit amerlassusaat malillugit annanniuteqatussaanerup inatsisitigut pisussaaffiunera.
Politiit tassunga atatillugu eqqaasitsissutigaat, angallammik aquttup akisussaaffigigaa, annanniutinik naammattunik angallammi peqartoqarnissaa.
-Soorunami aamma angallammi aqunniaraanni imigassartortoqaqqusaanngilaq, politiit allapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...