Aningaasarsivik arlalinnut ernguffiusarpoq.

Aalakoornartutornerlu amerlasuut aamma aqussinnaaneq ajorpaat. Politiimmi meeqqat inersimasumit isumagineqanngitsut, angerlarsimaffinni eqqissiviilliorfiusuni allanilu persuttaaffiusuni siumortarpaat.

Atuaruk: Illoqarfinni arlalinni angajoqqaat akisussaaffitsik iperarpaat

Facebookikkut oqariartuuteqarput

Tamakkulumi meeqqat tuttarput.

Aningaasarsiffimmi meeqqat puiorneqassanngitsut politiit meeqqat illersuisua suleqatigalugu facebookikkut eqqarsaatissiissusipput.

- Misilittagarivarput januarip naanerani aningaasaqaqqilernerup kingunerisaanik nunatsinni inunnik sullissiviit ulapputilertarmata, allassimapput.

Atuaruk: Angajoqqaat aningaasarsigaangamik akisussaaffitsik iperartarpaat

'Meeqqat eqqugaasarput'

Januaari amerlasuunut aningaasarliorfiusarpoq, aningaasarsisoqartillugulu feriamullu aningaasat tiguneqartillugit ernguttoqartarluni.

- Takusarpagut ulluni taakkunani aammalu februarip ingerlanerani inersimasut imigassartornerisa allanillu aangajaarniutinik atuinerisa kingunerisaanik meeqqat toqqissiviilliortinneqartartut.

Atuaruk: Kim: Ukiut tamarmik meeqqat ukiorisariaqaraluarpaat

Meeqqat inersimasumit isumagineqanngitsut, angerlarsimaffinni eqqissiviilliorfiusuni allanilu persuttaaffiusuni politiit siumortarpaat. Imminut toqunniarluni siorasaarisoqarpat aamma meeqqat eqqorneqaatigisaraat naqissusiipput.

Politiit MIO-llu allaaserisaq apeqqummik naggaserpaat:

- Meeqqat aningaasaateqartillutit toqqissisimatissaviuk?