Politiit mianersoqqusisut: Tillinniartartut mianeralugit
Politiit piffissami kingullermi pingaartumik Nuummi tillinniartoqarneranik nalunaarfigineqartarsimapput.
Innuttaasut matup parnaaqqatinneqarnissaa eqqammassavaat - aamma angelarsimagaluarunilluunniit. Tamtuma saniatigut najugaqarfiit silataanni inunnik arlaannik pasinartumik pissusilersortoqarnersoq eqqumaffiginiartariaqarpoq.
Kalaallit Nunaanni Politiinit kaammattuutigineqarpoq.
Politiimmi piffissami kingullermi pingaartumik Nuummi innuttaasunit saaffigineqartarsimapput, innuttaasut unnuakkut matu ammarniarneqarpaluttoq tusaasarsimavaat.
- Ataasiakkaat aamma itersimallutik takusinnaasarsimavaat illup inissialluunniit iluaniittoqartarsimasoq, Kalaallit Nunaanni Politiit pigaartuisa pisortaat Julie Senderovitz Bendtsen Sermitsiaq.AG-mut oqaluttuarpoq.
Pigaartut pisortaata taamatut pisoqartarsimanera nipaarsaarluni tillinniartarnertut taavaa:
Nakkutilliineq annertusineqassasoq
- Tillinniat nipaarsaarlutik matu parnaaqqannersoq misiligartartarpaat. Parnaaqqanngikkaangat iserlutik tigusinnaasaminnik nassaaraangamik annissisarput, Julie Senderovitz Bendtsen oqarpoq.
Taassuma erseqqissaassutigaa, innuttaasut tillinniallu nuanniittumik aporaassimasinnaanerannik nalunaarfigineqartarsimanngitsut.
Nalunaarutigineqartartut tunngavigalugit politiit Nuummi nakkutilliillutik angalaarnerusalissapput, aamma innuttaasut ikiuuttarnissaannik pisariaqartitsipput:
- Inuit matortik ammariarneqarsimappat sianersinnaapput, taamaalilluta tillinniat eqqaamiunut isinnginnissaat anguniarlugu aggersinnaaniassagatta. Matu parnaaqqagaangat matup tullia misilikkiartuinnartarpaat, Julie Senderovitz Bendtsen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...