Politiit mattusimasussaanermik unioqqutitsisoqarsimaneranik misissuisut
Politiit nalunaarutigaat arfininngornerup unnuaa eqqissisimanarsimasoq, ilisimatitsissutigaalli coronamut atatillugu nunami tamarmi mattusimasussaanermik unioqqutitsisimanerit pillugit nalunaarutigineqarsimasunik misissuinernut sulisorpassuit atorneqarsimasut.
Politiit tallimanngormat unnuakkut ulapissimariarlutik arfinginngormat unnuakkut nunami tamarmik eqqissisimasumik sulisimapput. Kalaallit Nunaanni Politiit pigaartuisa pisortaat Brian Thomsen Sermitsiaq.AG-mut ilisimatitsivoq.
Pigaartut pisortaata oqaluttuaraa, inuit tikinnerminni allanulluunniit atatillugu mattusimasussaanerminnik malinnissimanngitsut misissuiffigineqarnerannut sulisorpassuit maannakkorpiaq atorneqartut.
- Nunami sumiiffinni assigiinngitsuni inuppassuit mattusimasussaanerminnik malinnissinnaasimanngillat, Brian Thomsen oqarpoq.
Mattusimasussaanermut malittarisassanik arlallit unioqqutitsisimagaluartut, pigaartut pisortaata erseqqissaassutigaa, tunillatsissimasunik nutaanik maannakkorpiaq paasisaqartoqarsimanngitsoq.
- Mattusimasussaaneq peqqussutaasoq isumagisussaagatsigu mattusimanissamut unioqqutitsisimanerit taakku misissortussaavavut. Unioqqutitsisoqarsimatillugu inuit qassit qanorlu amerlatigisut unioqqutitsisimasumik attaveqarsimanersut paasiniarneqarnera sivisusinnaavoq.