Skip to main content

Politiit kommunefogedissanik ujartuipput

Kalaallit Nunaanni Politiit sulisussarsiornermik suliniummik annertuumik aallartitsipput, tamtauma kommunefogedit nunatsinni naammattut qulakkiissavai.

Sulisussarsiornermik suliniut ukiuni pingasuni tulliuttuni ingerlasussaq aallartinneqaqqammerpoq, upernaap ingerlanerani Kalaallit Nunaanni Politiit nunaqarfiit arlallit tikeraarnissaat siunertaraat kiisalu Kangaatsiaq, tassani kommunefogeditut atorfik nittarsaatissavaat.

Nunaqarfik siullertut tikinneqartussaq tassaavoq Kapisillit, Nuup Kangerluaniittoq.

Ilinniartitsineq aamma sungiusarneq

- Tikeraarnerni politiit aamma kommunefogedit suliaat pillugit paasissutissiisoqassaaq, aamma Kalaallit Nunaanni Politiivini kommunefogeditut atorfininniaraanni ilinniarneq aamma sungiusarneq paasissutissiissutigineqassalluni, taamatullu aamma politiini kommunefogeditut atorfinissinnaanermut periarfissat, politimesteri Brjørn Tegner Bay, tusagassiuutinut nalunaarummi ilisimatitsivoq.

Politimesteri ima oqaaseqarpoq:

- Kalaallit Nunaanni Politiivini kommunefogedinik pikkorissunik, illoqarfinni nunaqarfinnilu isumannaatsuunermik aamma toqqissisimanermik pilersitsisunik pisariaqartitsiviugut. Kalaallit Nunaanni najukkani kommunefogedit toqqissisimanermik qulakkeerinninnermik, eqqissisimanermik pissuserissaarnermillu annertuumik suilaqarput, taamaalillutillu ullut tamaasa innuttaasunut ataasiakkaanut allanngueqataasuullutik.

Nakkutiginnigit

Soqutiginnittut politiit Facebookimi quppernerat nakkutigissagaat kaammattorneqarput, tassani nunaqarfinnut tikinnissat saqqummiunneqartassammatta.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER