Politiit Kalaallit Illuanut ikiuuttariaqarsimasut

Politiit Aarhusimi Kalaallit Illuanut sapaatip akunnerani matumani saliinermi aallaasitoqqanik nassaarsimasumut ikiuuttariaqarsimapput.

Aarhusimi Kalaallit Illuat marlunngormat saliianermi aallaasinik marlunnik nassaartoqarmat politiinit ikiorserneqartariaqarsimavoq.

Kalaallit Illuat Facebooikikkut taamatut allappoq.

- Bananit qalipakui pizzallu puukui containermi igalaaminiusumi, aap… kisianni AALLAASIT!!! AALLAASIT ilumoortut. Ataasiinnaanngitsoq, MARLULLI!!! Takusat tupaallannartut, allaat pedelitsinnut misilittagartuumut Morten Fabildimut, piffissap ingerlanerani containerini assigiinngitsunik takusaqartarsimasumut, illu allappoq.

Aallaasit isumannaarneqarsimapput, piffissalu ingerlanerani pisoqalisimaqalutik. Illu naapertorlugu aallaasiit 1990-ikkunili illup atuartitsinermi atortuisa ilagisimavaat, tassa meeqqanut pinnguatut atorneqartarsimallutik.

- Aallaasit isumannaarlugit politiinut tunniunneqarsimapput isumannaatsumilu isaterneqassallutik. Aarhusimi Kalaallit Illuat allappoq.

Powered by Labrador CMS