mianersorit!
Politiit: Inuusuttut assinik tamataqanngitsunik avitseqatigiittarput
Piffissami kingullermi Nuummi inuusuttut marloriarlutik assinik tamataqanngitsunik avitseqatigiissimapput, kanngunarsaanermillu kinguneqartumik
Nuummi Politiit sapaatip akunnerata ingerlanerani nalunaarutinik marlunnik, assinik filmilianilluunniit tiinganiarnermut tunngasunik, tigusaqarput, illuatungeriit akunnerminni aappaa assinik filmilianik nittartakkatigut inuit naapittarfiatigut ingerlatitseqqiisimatillugu.
Taamaattumik politiit inunnut kaammattuutigerusuppaat, assinik filminilluunniit tiinganiarnermut imminermut tunngasunik allanut ingerlatitseqqiitinnatik eqqarsarluaqqaartassasut, siornatigut takuneqartareermat illuatungeriit qimannerminni imaluunniit pigisanik toqqorteriffiusimasuni tillianniarnermi nassaarineqarlutik assit videolialluunniit tiinganermut tunngasut internettimut saqqummiunneqartartut.
Illuatungerisamiit akuersissummik peqaqqaartigani assinik filmilianilluunniit tiinganiarnermut tunngasunik siammarterineq pinerluttulerinermik inatsimmi § 84-imik – kannguttaalliorfiginninneq, aammalu pinerluttulerinermik inatsimmi § 85-imik - Pornografiit meeqqanut tunngasut, inuk assimiittoq 18-nit inorlugit ukioqarsimappat, unioqqutitsinerusinnaavoq. Taamaasillunilu inuk assinik filmilianilluunniit siammarterisimasoq allatigulluunniit agguaasimasoq eqqartuussivikkut malersorneqarsinnaavoq.
Politiit qulakkeersinnaanngilaat assit filmilialluunniit tiinganermut tunngasut peersinnaassallugit nittartakkanut ilineqareersimappata, nittartakkatigut ingerlatitseqqiineq toqqorsinerlu sukkasoorujussuarmik ingerlasinnaasarmata, politiit taama oqariartuuteqarput.