Politiit inummik ujaarisaqarput

Kalaallit Nunaanni Politiit tusagassiuutinut nalunaarummi taama ilisimatitsipput.

Kalaallit Nunaanni Politiit Erneeraq Zeeb, Kangerlussuarmi pisuttuarnermut atatillugu pingasunngornermi juulip 10-anni nalunaaqutaq 12:30-mit takoqqinneqarsimanngitsoq ujaaraat.

Isikkua:

Angut kalaaleq, 47-nik ukiulik, angissusaa 178 cm, 60 kg, qernertunik isarualik, qernertunik naatsunik nujalik, kavaajaq qorsuk qaamasoq, qarliit kajortut (assimiittut assingi) kiisalu skuui Salomonit, Kalaallit Nunaanni Politiit taama ilisimatitsipput.

- Maqaasineqartup sumiissinnaaneranik, kiisalu sumut ingerlasimasinnaaneranik inunnik paasissutissaateqarsinnaasunik politiit attaveqarfigineqarusupput, tamanna oqaatigineqarpoq.

Kalaallit Nunaanni Politiit centraliannut oqarasuaat 70 14 48-mut attaveqarnerit tamarmik pissasut, politiit ilisimatitsipput.