Ikuallanneq
Politiit: Inissiaq ikuallatsinneqarpoq
Qaqortumi politiit sapaatiummat unnukkut inissiap ikuallatsinneqarsimasinnaanera paasiniaanerminni pasitsaappaat.
- Qaqortumi politiit maannamut paasiniaanerminni takutippaat ikuallattoq ikuallatsinneqarsimasinnaanera, politiit sapaammi tusagassiuutinut nalunaarutaanni paasissutissiarineqarpoq.
Pasisaq tigummigallarneqartoq
- Paasiniaanermi pasisamik tigusarinnittoqarpoq, kingornalu Eqqartuussiveqarfimmi matoqqasumik sassartinneqarnerani ulluni
27-ni tigummigallangassanngortinneqarsimasoq, paasissutissiarineqarpoq.
Aamma atuaruk: Qaqortumi blokkimi inissiaqarfimmi ikuallattoqartoq
Inissiami najugaqartut arlallit qimagutsinneqarsimapput, tassungalu atatillugu politiit ima allapput:
- Sumiiffimmi pineqartumi najugallit ernumassutillik, attartornermut tunngasumik inisseqqinneqarnissamulli tunngasumik apeqqutissallik INI A/S-p sullissivianutoqarasuaammut 56 01 79-imut toqqaannartumik atassuteqarsinnaapput.
Takunnissimasut ujartorneqartut
Politiit ikuallatumik paasiniaanerinut ikiuutaasinnaasumik paasissutissaatillit takunnissimasulluunniit, politiit pingaartuinut
70 14 48-mut attaveqarsinnaapput.